Posted on: March 14th, 2024
12.3.2024
Mkuu wa Wilaya ya Kibiti Kanali Joseph Kolombo akiwa ameambatana na Kamati ya Ulinzi na Usalama wameendelea na zoezi la ukaguzi wa miradi itakayopitiwa na kumulikwa na MWENGE wa Uhuru mwaka huu ambao unaotarajiwa kuwasili Wilayani Kibiti tarehe 6 mwezi Mei mwaka huu.
Mara baada ya ukaguzi kukamilika Kanali Kolombo amewaagiza wasimamizi wa miradi kuhakikisha mapungufu yote yanarekebishwa na kukamilika mapema.
Miradi iliyokaguliwa ni Ujenzi wa zahanati ya kitembo, Ujenzi wa jengo la TRA, uraghabishaji wa falsafa ya MWENGE wa Uhuru shule ya Msingi Kitundu, utunzaji wa mazingira shule ya Msingi Roja pamoja na Ujenzi wa shule ya Awali na Msingi itonga.
