Posted on: January 11th, 2024
Shirika lisilo la kiserikali la Majey Foundation chini ya Ufadhili wa Charity Spring Foundation limewezesha kambi ya siku mbili ili kutoa huduma za macho kwa wananchi wilayani Kibiti.
Kambi hiyo iliendeshwa siku ya Tarehe 9-10 Januari, 2024 katika kituo cha Afya cha Kibiti. Huduma zilizotolewa ni pamoja na Kupima macho, Kupima miwani, Kutoa miwani ya Kusomea na Kufanya upasuaji wa mtoto wa jicho. Huduma zote zimetolewa bila malipo yeyote yaani bure kabisa.
Jumla ya Wananchi waliohudumiwa ni 590 na kati yao 111 walifanyiwa upasuaji.
Aidha shirika lilitoa misaada ya chakula kama vile mchele, unga, sukari na mafuta ya kupikia kwa wanachi hao.
Charity Spring Foundation ni shirika linalojihusisha na ufadhili wa huduma za jamii ikiwa ni pamoja na huduma za Afya na uchimbaji wa visima. Shirika hili linapokea fedha kutoka kwa watu wa Quwait.
Ni wito wetu kwenu wananchi msijifiche majumbani, jitokezeni nyakati zote kupata huduma tunapopata nafasi kama hizi.
“Afya yako ndiyo mtaji wako”.
