Posted on: April 9th, 2024
Jana tarehe 08.04.2024 aliyekuwa diwani mteule wa Kata ya Mlanzi, Ndg. Athuman Ally Mketo kufuatia uchaguzi mdogo wa madiwani uliofanyika Machi 20, 2024 ameapishwa rasmi ili aweze kuanza kutekeleza majukumu yake ya Udiwani katika Kata ya Mlanzi.
Mhe. Mketo amekula kiapo hicho mbele ya Hakimu Mkazi Wilaya ya kibiti na Kutoa Tamko rasmi la maslahi mbele ya Mkurugenzi mtendaji wa Halmashauri ya Wilaya ya Kibiti katika hafla fupi iliyofanyika kwenye Ukumbi wa Halmashauri.
Hafla hiyo imehudhuriwa na Katibu wa CCM Wilaya, Waheshimiwa madiwani wa kata nyingine za wilaya ya Kibiti, Wajumbe kutoka kata ya Mlanzi pamoja na Watumishi wa Halmashauri ya Wilaya ya Kibiti.
Mara baada ya kuapishwa Mwenyekiti wa baraza la Madiwani la Halmashauri ya Wilaya ya Kibiti Mhe. Ramadhani Mpendu alimkabidhi Mhe. Mketo vitendea kazi na kumkaribisha, kisha Kila mmoja akamtakia heri kwenye utekelezaji wa majukumu yake haya mapya.
