Posted on: August 8th, 2024
Mwenyekiti wa Halmashauri ya Wilaya ya Kibiti Mhe. Ramadhani Mpendu amempongeza Mkurugenzi Mtendaji Ndg. Hemed Magaro pamoja na Wataalam wake kwa maandalizi mazuri ya sherehe ya siku ya wakulima nanenane.
Akiwa katika Viwanja vya Mwl. Nyerere Manispaa ya Morogoro kwenye banda la Maonyesho la Wilaya ya Kibiti Mhe. Mpendu amesema pamoja na mazao yaliyopandwa kuwa bado hayajakomaa, amefurahishwa na namna ambavyo vipando vimestawi na wajasiliamali kuleta bidhaa halisi za kibiti tofauti na miaka iliyopita.
"Katika miaka 4 ya Uongozi wangu haijawahi kutokea, mwaka huu vipando vimestawi vizuri, wajasiliamali nao wameleta bidhaa halisi za kibiti nimefurahi sana" Alisema Mpendu.
Aidha Mhe. Mpendu ambaye pia ni Diwani wa Kata ya Bungu amesisitiza wataalam hao kuendelea kuwaelimisha wakazi wa kibiti ili waweze kuondokana na umaskinini kupitia kilimo.
"Tunaomba muendelee kutuelimisha wakazi wa kibiti kinachoonekana hapa leo muendelee kukitilia mkazo huko kwa wananchi ili tuweze kuondoka na umaskini na tuweze kujikwamua kiuchumi”.
