Posted on: July 7th, 2023
Msimamizi wa uchaguzji Jimbo la Kibiti Bw. Hemed S. Magaro leo tarehe 6 julai, 2023 amewaapisha Mawakala 42 wa vyama vitano kati ya sita vinavyoshiriki Uchaguzi mdogo Kata ya Mahege.
Mawakala waliojitokeza ni kutoka chama cha UMD kilicholeta Mawakala saba (07), CUF Mawakala 14, CCM Mawakala 14, UDP Mawakala watano (05) na UPDP Mawakala wawili (02). Chama cha NRA hakikuweza kuleta mawakala katika eneo la kiapo.
Mawakala hao watasimamia maslahi ya vyama na wagombea wao katika uchaguzi mdogo unaotarajiwa kufanyika tarehe 13 julai, 2023. Kata ya Mahege ina jumla ya vituo 13 vya kupigia kura na wapiga kura 4352 wanatarajiwa kupiga kura ya kumchagua Diwani wa eneo hilo.
Awali kabla ya kula kiapo, Msimamizi wauchaguzi Bw. Magaro alitoa angalizo kuwa Kwa wakala yeyote ambaye hakula kiapo hatoweza kushiriki katika zoezi hilo siku ya uchaguzi.
